మోసం చేయడం జగన్ కి కొత్తేమి కాదు,షర్మిల హాట్ కామెంట్స్

ఎక్స్ వేదికగా ఏపీ మాజీ ముఖ్యమంత్రి,వైసీపీ అధినేత జగన్ పై కాంగ్రెస్ పార్టీ అధ్యక్షురాలు వైఎస్ షర్మిల విరుచుకుపడ్డారు.మోసం చేయడం జగన్మోహన్ రెడ్డికి కొత్తేమి కాదని,ఓట్లు వేసిన ప్రజలను అవమానించడం జగన్ కే చెల్లిందని విమర్శించారు.మిమల్ని ప్రజలు ఓట్లు వేసి గెలిపించింది సమస్యల పై మాట్లాడానికా,మీడియా ముందు సొంత డబ్బా కొట్టుకోవడానికా అని ప్రశ్నించారు.మీ పాలనలో అవినీతి,అక్రమాలే జరిగాయని,అసెంబ్లీకి పంపిన ప్రజలను వింతగా మోసం చేయడం జగన్ కె చెల్లిందని ఆరోపించారు.అసెంబ్లీకి వేళ్ళని జగన్ తన పదవికి రాజీనామా చేయాలనీ డిమాండ్ చేశారు.అసెంబ్లీలో అడుగుపెట్టని జగన్ ప్రతిపక్ష హోదాకే కాకుండా ఎమ్మెల్యే పదవికి కూడా అర్హులు కాదని అన్నారు.గత ప్రభుత్వం పై ప్రస్తుత ప్రభుత్వం చేస్తున్న ఆరోపణల పై అసెంబ్లీలో సమాధానం ఇచ్చుకునే బాధ్యత మీది కదా అని ప్రశ్నించారు.