హైదరాబాద్‎లో రూ.18 లక్షల విలువైన డ్రగ్స్ స్వాధీనం

హైదరాబాద్‎లో మరోసారి డ్రగ్స్ పట్టుబడింది. చందానగర్ పోలీసు స్టేషన్ పరిధిలో నార్కోటిక్స్ డ్రగ్స్ కంట్రోల్ అధికారులు నిందితుడి వద్ద నుండి 155 గ్రాముల ఎండీఎంఏను స్వాధీనం చేసుకున్నారు. రాజస్థాన్ రాష్ట్రానికి చెందిన కృష్ణరామ్ హైదరాబాద్ లో డ్రగ్స్ విక్రయిస్తున్నాడన్న సమాచారంతో తనిఖీలు చేపట్టిన అధికారులు నిందితుడు వద్ద నుండి ఎండీఎంఏను స్వాధీనం చేసుకొని చందానగర్ పోలీసులకు అప్పగించారు. కృష్ణరామ్‎తో పాటు మరో ఏడుగురిపై కేసు నమోదు చేశారు. పట్టుబడిన డ్రగ్స్ విలువ సుమారుగా రూ.18 లక్షలు ఉంటుందని అధికారులు వెల్లడించారు.