పాకిస్థాన్ ఆబోటాబాద్లో ఓ ఉగ్రవాద క్యాంప్ నడుపుతున్నట్లు భారత్ ఇంటిలిజెన్స్ వర్గాలు గుర్తించాయి. ఈ ఉగ్ర క్యాంప్ను పాకిస్థాన్ సైన్యంలోని కీలక జనరల్ పర్యవేక్షిస్తున్నట్లు సమాచారం. ఈ విషయన్ని ఓ జాతీయ ఆంగ్లపత్రిక కథనం ప్రచురించింది. లష్కరే తోయిబా, జైషే మహమ్మద్, హిజ్బుల్ ముజాహిద్దీన్ సంస్థలు కలిసి ఏకంగా పాక్ సైనిక స్థావరం పక్కనే ఓ మెగా టెర్రర్ క్యాంప్ను ఏర్పాటు చేశాయని తెలిపింది. ఈ క్యాంప్ లోకి అనుమతి లేకుండా బయటి వ్యక్తులు అడుగుపెట్టడం అంత సులభం కాదని వెల్లడించింది.
ఇక్కడ యువకులు,యువతులకు ఆయుధ వినియోగంతో పాటు ఇతర ఉగ్ర కార్యకాలపాల్లో శిక్షణ ఇస్తున్నారు. గతంలో ఆబోటాబాద్లోని ఓ సేఫ్ హౌస్లోనే అల్ఖైదా ఉగ్ర సంస్థ నాయకుడు బిన్ లాడెన్ దాకున్నాడు. 2011లో మే నెలలో అమెరికా కమాండోలు రహస్యంగా హెలికాప్టర్ లో ఇక్కడికి చేరుకొని లాడెన్ను చంపివేయడంతో ప్రపంచం మొత్తం షాక్ అయింది.
ఈ ప్రదేశంపై మరింత స్పష్టత రావాల్సి ఉందని ఇంటిలిజెన్స్ వర్గాలు వెల్లడించాయి.
