సాయుధ తిరుగుబాటుదారుల కారణంగా సిరియా అధ్యక్షుడు బషర్ అల్- అసద్ ఆ దేశ రాజధాని వీడిచి పారిపోయినట్లు వార్తలు వినిపిస్తున్నాయి. ఇదిలా ఉండగా అయిన ప్రయాణిస్తున్న విమానాన్ని తిరుబాటుదారులు కూల్చేశారని సోషల్ మీడియాలో ప్రచారం జరుగుతుంది. అసద్ ప్రయాణిస్తున్న ఐఎల్- 76 విమానం ఎత్తు ఒక్కసారిగా 3,650 మీటర్ల నుండి 1,070 మీటర్లకు పడిపోయిందని ఫ్లయిట్ ట్రాకింగ్ వెబ్సైట్ల సమాచారం చెబుతున్నట్లు ఈజిప్ట్ రచయిత ఖలీద్ మహమూద్ ట్విటర్లో పోస్ట్ చేశారు. అయితే ఈ విషయంపై ఇంకా ఎలాంటి అధికారిక సమాచారం రాలేదు.
సిరియాలో తిరుగుబాటుదారులు మళ్ళీ రెచ్చిపోయారు. ఇప్పటికే అనేక నగరాలను, పట్టణాలను తమ అధీనంలోకి తీసుకున్న తిరుగుబాటుదారులు తాజాగా రాజధాని డమాస్కస్ని స్వాధీనం చేసుకున్నారు. ప్రభుత్వ బలగాల నుండి ఎలాంటి ప్రతిఘటన లేకపోవడంతో రాజధానిని వారు ఆక్రమించుకున్నారు.
