వయనాడ్ ఘటన ఎంతగానో కలిచివేసింది

• వయనాడ్ బాధితుల కోసం రూ.20 లక్షలను సీఎం రిలీఫ్ ఫండ్ కి
  అందజేసిన నయనతార,విఘ్నేశ్ దంపతులు

కేరళ రాష్ట్రం వయనాడ్ లో జరిగిన విపత్తులో నష్టపోయిన బాధితులకు సహాయం అందించడానికి నయనతార,విఘ్నేశ్ శివన్ దంపతులు ముందుకొచ్చారు.రూ.20 లక్షలను కేరళ సీఎం రిలీఫ్ ఫండ్ కి అందజేశారు.వయనాడ్ లోని బాధితులకు అండగా నిలబడడం కోసం వారికీ మద్దతుగా ఓ లేఖను కూడా రాశారు. ” వయనాడ్ లో చోటు చేసుకున్న ఘటన మమల్ని ఎంతగానో కలిచివేసింది..అక్కడి ప్రజల పరిస్థితి దయనీయంగా ఉంది.ఇలాంటి సమయంలో ఒకరిని ఒకరు ఆదుకోవడం చాలా అవసరం..అందుకే వారికీ అండగా నిలబడడం కోసం మా వంతుగా రూ.20 లక్షలను సీఎం రిలీఫ్ ఫండ్ కి అందజేశామని” తెలిపారు.