లగచర్ల ఘటన..55 మందిని అరెస్ట్ చేసిన పోలీసులు

వికారాబాద్ జిల్లా లగచర్ల గ్రామంలో జరిగిన ఘటనతో పోలీసులు అప్రమత్తమయ్యారు. ఫార్మా పరిశ్రమల ఏర్పాటుకు స్థల సేకరణ కోసం సోమవారం లగచర్ల గ్రామంలో నిర్వహించిన గ్రామసభ ఉద్రిక్తంగా మారింది. వికారాబాద్ జిల్లా కలెక్టర్ సమక్షంలోనే గ్రామస్తులు రెవెన్యూ అధికారులపై దాడి చేశారు. ఈ నేపథ్యంలో పోలీసులు అలర్ట్ అయ్యారు. ఎలాంటి అవాంఛనీయ ఘటనలు జరగకుండా ఉండేందుకు దుద్యాల, కొడంగల్, బోంరాస్ పేట మండలాలల్లో ఇంటర్నెట్ సేవలను నిలిపివేశారు. ఈ ఘటనలో పోలీసులు 55 మందిని అరెస్ట్ చేశారు. అధికారులపై దాడి ఘటనలో కుట్ర కోణంపై దర్యాప్తు చేస్తున్నామని జిల్లా ఎస్పీ నారాయణరెడ్డి తెలిపారు.