మాజీ ఎమ్మెల్యే పట్నం నరేందర్ అరెస్ట్‎ను ఖండించిన కేటీఆర్

భారాస మాజీ ఎమ్మెల్యే పట్నం నరేందర్ అరెస్ట్‎ను బీఆర్ఎస్ వర్కింగ్ ప్రెసిడెంట్ కేటీఆర్ ఖండించారు. పట్నం నరేందర్ రెడ్డి అరెస్ట్ రేవంత్ రెడ్డి చేతగాని పాలనకు నిదర్శమని పేర్కొన్నారు. ప్రజా సమస్యలపై పోరాటం చేస్తున్న భారాస నాయకులను అక్రమ కేసులతో భయపెట్టాలని చూస్తే అది మూర్ఖపు చర్య అవుతుందని మండిపడ్డారు. తెలంగాణ ఉద్యమకాలం నుండి భారాస పార్టీ ఇలాంటి నిర్బంధాలు, అక్రమ అరెస్ట్‎లు ఎన్నో చూసిందని అన్నారు. పట్నం నరందర్ రెడ్డి అరెస్ట్‎ను తీవ్రంగా ఖండిస్తున్నామని తెలిపారు ఎంత అణిచి వేయాలని చూస్తే అంతకంటే ఎక్కువ పోరాటాలు చేస్తామని అన్నారు.తన అల్లుడి కంపెనీ కోసమే రైతులపై సీఎం రేవంత్ రెడ్డి దౌర్జన్యాలకు పాల్పడుతున్నారని విమర్శించారు.లగచర్లలో అరెస్ట్ చేసిన రైతులను వెంటనే విడుదల చేయాలని కేటీఆర్ డిమాండ్ చేశారు.