మెదక్ జిల్లాలో ఓ ప్రేమోన్మాది రెచ్చిపోయాడు. డిగ్రీ చదువుతున్న యువతిపై విచాక్షణారహితంగా దాడికి పాల్పడ్డాడు. ఈ దారుణ ఘటన మెదక్ పట్టణంలో సోమవారం చోటుచేసుకుంది. స్థానికులు తెలిపిన వివరాల ప్రకారం ఓపెన్ డిగ్రీ పరీక్షలు రాసేందుకు పట్టణంలోని ప్రభుత్వ డిగ్రీ కళాశాలకు వచ్చిన ఓ యువతిపై చేతన్ అనే యువకుడు కత్తితో దాడికి పాల్పడ్డాడు.
వెంటనే అప్రమత్తమైన యువతి అక్కడి నుండి తప్పించుకుంది.ఈ దాడిలో యువతి చేతికి తీవ్ర గాయాలు అయ్యాయి.గమనించిన స్థానికులు వెంటనే ఆసుపత్రికి తరలించారు. దాడి చేసిన యువకుడు పరారీలో ఉన్నట్టు పోలీసులు గుర్తించారు.కేసు నమోదు చేసుకున్న పోలీసులు దర్యాప్తు చేస్తున్నారు.
