ఏపీ డిప్యూటీ స్పీకర్‎గా రఘురామకృష్ణరాజు ఏకగ్రీవ ఎన్నిక

ఏపీ శాసనసభ డిప్యూటీ స్పీకర్‎గా రఘురామకృష్ణరాజు ఏకగ్రీవంగా ఎన్నికయ్యారు. బుధవారం డిప్యూటీ స్పీకర్ పదవికి రఘురామకృష్ణరాజు నామినేషన్ దాఖలు చేశారు. డిప్యూటీ సీఎం పవన్ కళ్యాణ్, మంత్రి నారా లోకేష్, విప్ విష్ణుకుమార్ రాజు నామినేషన్ ను ప్రతిపాదించారు. డిప్యూటీ స్పీకర్ పదవికి కేవలం ఒక్క నామినేషన్ మాత్రమే రావడంతో డిప్యూటీ స్పీకర్‎గా రఘురామకృష్ణరాజు ఏకగ్రీవంగా ఎన్నికయినట్లు స్పీకర్ అయ్యన్నపాత్రుడు గురువారం అసెంబ్లీలో ప్రకటించారు.