జిల్లా హోంగార్డుల సమస్యలను పరిష్కరిస్తాం

• నాగర్‎కర్నూల్ జిల్లా ఎస్పీ వైభవ్ బైక్వాడ్

నాగర్‎కర్నూల్ జిల్లాలో హోంగార్డులు వారి యొక్క విధులను మంచిగా నిర్వహిస్తున్నారని జిల్లా ఎస్పీ వైభవ్ బైక్వాడ్ రఘునంధన్ తెలిపారు. 62వ హోంగార్డ్ ఆవిర్భావ దినోత్సవం సందర్భంగా నాగర్‎కర్నూల్ జిల్లా ఓల్డ్ పోలీస్ హెడ్ క్వార్టర్స్‎లో నిర్వహించిన కార్యక్రమానికి అయిన ముఖ్య అతిథిగా హాజరయ్యారు. ఈ సందర్భంగా మాట్లాడుతూ, జిల్లాలో విధులు నిర్వహిస్తున్న హోంగార్డ్స్ పై ఎలాంటి ఫిర్యాదులు లేవని పేర్కొన్నారు. ఇలానే మంచిగా విధులు నిర్వర్తించి..జిల్లాకు, తెలంగాణ రాష్ట్రానికి మంచి పేరు తేవాలని అన్నారు. హోంగార్డ్‎లకు ఏమైనా సమస్యలు ఉంటే పై అధికారుల దృష్టికి తేవాలని, సమస్యలను పరిష్కరించి న్యాయం జరిగేలా కృషి చేస్తామని తెలిపారు. అనంతరం సిబ్బందితో కలిసి కేక్ కట్ చేశారు. గ్రీవెన్స్ స్వీకరించి సమస్యలను పరిష్కరిస్తామని వెల్లడించారు. ఈ కార్యక్రమంలో ఆర్ఐ జగన్, నాగర్ కర్నూల్ సిఐ కనకయ్య, ఆర్ఎస్ఐలు ప్రశాంత్ కళ్యాణ్ , శివాజీ , హోంగార్డ్ అధ్యక్షుడు జేమ్ములు మరియు వైస్ ప్రెసిడెంట్ రాజమల్లుతో పాటు దాదాపుగా 150 మంది హోంగార్డు సిబ్బంది పాల్గొన్నారు.