నా పట్టీల శబ్దం విన్న ప్రతిసారి
ఓ తెలియని ఆనందం…
ఇంట్లో పట్టీలు వేసుకొని గళ్ళు గళ్ళు నడుస్తుంటే నాన్న కళ్ళల్లో ఆనందం..
అమ్మ మొహంలో తెలియని వెలుగు
అన్న చూపుల్లో బయటకి చూపని ఓ గర్వం
కానీ ఎందుకో ఆ ఒంటరి అర్ధరాత్రి నా పట్టీల శబ్దం వింటే నాకే భయమేసింది..
నాకేం తెలుసు నా పట్టీల ధ్వని
నా ప్రాణానికి హాని అని..
నా పట్టిల శబ్దం….నేను ఓ అందమైన ఆడపిల్లనని ఎప్పుడూ గుర్తు చేస్తూ ఉంటుంది..
కానీ ఆ ఒంటరి అర్ధరాత్రి నేను ఆడపిల్లనని గుర్తు చేసుకుంటే భయమేసింది..
ఆరోజు అర్ధమైంది,ప్రతి ఆడపిల్లకి కుస్తీ పట్టడం కూడా రావాలని..
-రత్లావత్ శ్రావణి