- కేటీఆర్
భారాస హయంలో డబుల్ బెడ్రూమ్ ఇళ్లు కట్టలేదని ప్రజలను మభ్యపెట్టి, ఇప్పుడు మూసీ బాధితులకు తాము నిర్మించిన డబుల్ బెడ్బెడ్ రూమ్ ఇళ్లనే కాంగ్రెస్ పార్టీ కేటాయిస్తుందని భారాస కార్యనిర్వాహక అధ్యక్షుడు కేటీఆర్ మండిపడ్డారు. హైడ్రా కూల్చివేతలపై స్పందిస్తూ “ఎక్స్” వేదికగా పోస్టు చేశారు. తమ పార్టీది విధాన నిర్మాణమైతే, కాంగ్రెస్ పార్టీది విధ్వంసమని విమర్శించారు. రాత్రికి రాత్రే లక్ష ఇళ్లు ఎక్కడినుండి పుట్టుకొచ్చాయని ప్రశ్నించారు. హైదరాబాద్ నగరంలో లక్ష డబుల్ బెడ్ రూమ్ ఇళ్లను నిర్మించామని తెలిపారు. కాంగ్రెస్ పార్టీ విష ప్రచారాలు అబద్ధాలు అనడానికి మరో సాక్ష్యం ఇదే అని పేర్కొన్నారు.
