తెలంగాణలో పార్టీ ఫిరాయింపు ఎమ్మెల్యేల అనర్హత పిటిషన్పై విచారణ ముగిసింది. అసెంబ్లీ కార్యదర్శి దాఖలు చేసిన అప్పీల్పై వాదనలు విన్న సీజే ధర్మాసనం తీర్పును రిజర్వు చేసింది. భారాస పార్టీ తరుపున సీనియర్ న్యాయవాది మోహన్ రావు వాదనలు వినిపించారు. సింగిల్ జడ్జి తీర్పుపై అప్పీల్ చేసే అర్హత అసెంబ్లీ కార్యదర్శికి లేదన్నారు. అసెంబ్లీ స్పీకర్ పక్షాన నిర్ణయం తీసుకోవాల్సిన బాధ్యత ఉందని తెలిపారు. ఇరు వైపులా వాదనలు విన్న ధర్మాసనం, విచారణ ముగిస్తున్నట్లు ప్రకటించింది. ఈ మేరకు తీర్పును రిజర్వు చేసింది.
బీఆర్ఎస్ పార్టీ నుండి గెలిచి కాంగ్రెస్ పార్టీలో చేరిన ఎమ్మెల్యేలు దానం నాగేందర్, తెల్లం వెంకట్రావు, కడియం శ్రీహరిలపై అనర్హత వేటు వేసేలా స్పీకర్కు ఆదేశాలు ఇవ్వాలని బీఆర్ఎస్ పార్టీ నాయకులు హైకోర్టును ఆశ్రయించిన విషయం తెలిసిందే.
