4కె క్యుఎల్ఈడి డిస్‌ప్లే టెక్నాలజీతో ఆకాయ్ ఇండియా టీవీలు

నగరాల్లోని ప్రజల అభిరుచులకు అనుగుణంగా ఆకాయ్ ఇండియా తెలంగాణ, ఏపీలో పెద్ద సైజు టీవీలను విడుదల చేసింది. ఈ టీవీల్లో ఆండ్రాయిడ్ 11తో నడుస్తున్న ఈ సిరీస్‌లో అధునాతన 4కె క్యుఎల్ఈడి డిస్‌ప్లే టెక్నాలజీ, డాల్బీ విజన్, డాల్బీ అట్మాస్ సౌండ్ ఫీచర్లు ఉన్నాయి. ప్రీమియం సినిమా లాంటి హోమ్ ఎంటర్‌టైన్‌మెంట్ అనుభవాన్ని ఈ టీవీలు అందిస్తాయి. ఈ సంధర్బంగా ఆకాయ్ ఇండియా మేనేజింగ్ డైరెక్టర్ అనురాగ్ శర్మ మాట్లాడుతూ, శక్తివంతమైన ధ్వని , గూగుల్ టీవీ యొక్క స్మార్ట్ సామర్థ్యాలతో అసాధారణమైన ప్రదర్శన పనితీరును ఈ సిరీస్ అందిస్తుందని తెలిపారు. భారతదేశంలో వేగంగా అభివృద్ది చెందుతున్న నగరాల్లో ఒకటైన హైదరాబాద్ లో కస్టమర్స్‎లకు టెలివిజన్ టెక్నాలజీ అందించే అత్యుత్తమ ఆవిష్కరణలను తీసుకురావడానికి అకాయ్ యొక్క నిబద్ధతను సూచిస్తాయని తెలిపారు. ఈ టీవీలు స్థానికంగా బజాజ్ ఎలక్ట్రానిక్స్,డీలర్లు, పంపిణీదారుల విస్తృత నెట్‌వర్క్ ద్వారా అందుబాటులో ఉంటాయని పేర్కొన్నారు. కస్టమర్‌లు నెలకు రూ. 5,555 తో పైన్ ల్యాబ్స్, బజాజ్ ఫిన్‌సర్వ్, హెచ్.డి.బి,టీవీఎస్ క్రెడిట్, హెచ్‎డిఎఫ్‎సీ, ఐడిఎఫ్‎సీ నుండి ఈఎంఐలను పొందవచ్చని వెల్లడించారు.