కేరళ రాష్ట్రంలోని వయనాడ్‌ జిల్లా ఈ మధ్యకాలంలో భారీ వర్షాల వల్ల తీవ్రమైన వరదలను ఎదుర్కొంటోంది.ఈ వరదల వలన 163 పైగా మృతులు వుండడం బాధాకరం.ఈ సంఘటన కేవలం ఆ ప్రాంతానికే కాకుండా మొత్తం రాష్ట్రానికి,దేశానికి కూడా దిగ్భ్రాంతిని కలిగించింది.వరదల కారణాలు, ప్రభావాలు మరియు వాటిని నివారించేందుకు తీసుకోవాల్సిన చర్యల గురించి ఆలోచిస్తే కుండపోత వర్షాలు కారణంగా చెప్పొచ్చు.వయనాడ్‌ జిల్లా అధిక వర్షపాతం కలిగిన ప్రాంతంగా ఉంది.వాతావరణ మార్పుల వలన ఆ వర్షపాతం తీవ్రమైంది. వనరుల విని యోగం కోసం అటవీ ప్రాంతాల నిర్మూలన వలన మట్టి ధృఢత తగ్గి వర్షపునీరు నేరుగా ప్రవహించింది. వయనాడ్‌ పర్వత ప్రాంతం కావడం వలన వర్షపునీరు వేగంగా దిగువకు ప్రవహించడం,క్రమంగా వరదలకు దారి తీసింది.నదుల, జలాశయాల పరివాహక ప్రాంతాల్లో అక్రమ నిర్మా ణాలు పెరగడం వలన వరద నీటికి అవరోధం కలిగింది.ఇప్పటి వరకు సమయానికి 160 కి పైగా ప్రాణాలు కోల్పోయారు. ఎంతోమంది గాయ పడ్డారు, మరియు అనేక మంది గల్లంతయ్యారు. గృహాలు, పంటలు,రహదారులు, మరియు ఇతర సదుపాయాలు పెద్ద ఎత్తున ధ్వంసం అయ్యాయి.ప్రజలు తమ జీవితాలను తిరిగి మొదలుపెట్టే పరిస్థితుల్లో లేరు. పునరావాసం కోసం తాత్కాలిక క్యాంపులు ఏర్పాటు చేయవలసి వచ్చింది.అడ్డుకట్ట వేసేందుకు తీసుకోవాల్సిన చర్యల్లో భాగంగా ప్రాం తీయ ప్రణాళికలు అవసరం.వరద ముంపు ప్రాంతాల్లో నిర్మాణాలకు అనుమతులు నిరాకరించాలి.అటవీ ప్రాంతాలను కాపాడాలి.వృక్ష సంప ద పెంచాలి. వరద నీటిని సులభంగా ప్రవహించేలా కాలువలను నిర్మించ డం మరియు నిర్వహించడం కావాలి. బాధితులకు తాత్కాలిక మరియు శాశ్వత పునరావాసం కోసం పథకాలు అమలు చేయాలి.ప్రజలకు వరదల ప్రమాదం గురించి అవగాహన కల్పించాలి. విపత్తు సమయంలో ఎలా వ్యవహరించాలో శిక్షణ ఇవ్వాలి. కేరళలోని వయనాడ్‌ లో వరదలు రావడం, కొండ చరియలు విరిగిపడి పెద్ద ఎత్తున మృతులు వుండడం మనస్సు కలచివేసే దుర్భరమైన సంఘటన. వరదలకు కారణమవుతున్న అంశాలను గుర్తించి, ముందు చూపుతో వాటిని అరికట్టేందుకు సమర్థ వంతమైన చర్యలు తీసుకోవాలి. ఇది కేవలం ప్రభుత్వాల బాధ్యత కాదు, ప్రజలు, సేవా సంస్థలు మరియు ఇతర సంబంధిత భాగస్వాములు కలిసి ముందుకు రావాలి.ఈ విధంగా వరద విపత్తులను అరికట్టి, భవిష్యత్తులో ఇటువంటి సంఘటనలు మళ్ళీ చోటుచేసుకోకుండా చూసుకోవాలి.వరద విపత్తులను ముందే ఊహించి, వాటికి ప్రతిరోధకంగా ప్రణాళికలు వేసి వాటికి అడ్డుకట్ట వేయాలి.వరదలు మన దేశంలో ప్రతీ సంవత్సరం పలు ప్రాంతాల్లో విపత్తుల మాదిరిగా వచ్చి జనజీవనాన్ని తీవ్రంగా ప్రభావితం చేస్తున్నాయి. ఈ విపత్తులు కేవలం ఆస్తి నష్టంతోనే కాదు, ప్రాణ నష్టానికి కూడా కారణమవుతున్నాయి. వరదలు వచ్చే ప్రతిసారీ ప్రజలు, ప్రభు త్వం,సేవా సంస్థలు కలిసి ఈ విపత్తులను అరికట్టేందుకు ఎన్నో ప్రయ త్నాలు చేస్తున్నాయి. నదుల పరివాహక ప్రాంతాల్లో అక్రమ నిర్మాణాలు పెరగడంతో వరద నీరు వెళ్ళడానికి మార్గం లేకుండా పోతుంది. దీనివల్ల వరదల తీవ్రత మరింత పెరుగుతుంది.అటవీ ప్రాంతాల నిర్మూలన వలన మట్టిని పట్టుకునే సామర్థ్యం తగ్గిపోతుంది. దీంతో, వర్షపునీరు నేరుగా నదులలోకి చేరి వరదలు సృష్టిస్తుంది. వాతావరణ మార్పుల వలన వర్ష పాత పరిస్థితులు మారి కొన్ని ప్రాంతాలలో అధిక వర్షాలు కురుస్తున్నా యి.అడ్డుకట్ట వేసేందుకు తీసుకోవాల్సిన చర్యలో భాగంగా నిర్మాణాలను నియంత్రించే విధానాలు సరైన ప్రణాళికలతో అమలు చేయాలి. అక్రమ నిర్మాణాలను తీవ్రంగా వ్యతిరేకించాలి.అటవీ ప్రాంతాలను ఆ యా స్థానిక ప్రదేశాల్లో సంరక్షించడం ద్వారా మట్టి ధృఢతను కాపాడి వర్షపునీరు సాఫీగా ప్రవహించేలా చేయాలి.వరద నీటిని సులభంగా ప్రవహింపజేసే కాలువలను నిర్మించడం మరియు వాటిని తరచుగా పరిశీలించడం అవసరం. వరదల వల్ల నష్టపోయిన ప్రజలకు తాత్కాలిక మరియు శాశ్వత పునరావాస పథకాలను అందించడం.వరదల ఆగమనాన్ని ముందుగానే అంచనా వేసేందుకు ఆధునిక సాంకేతికతని ఉపయోగించడం కావాలి.ప్రజలకు వరదల ప్రమాదం గురించి అవగాహన కల్పించి, విపత్తు సమయంలో ఎలా వ్యవహరించాలో శిక్షణ ఇవ్వాలి.వరద విపత్తులు నివారించేందుకు సమర్థవంతమైన విధానాలు అనుసరించాల్సిన అవసరం ఉంది. ఇది కేవలం ప్రభుత్వాల బాధ్యత కాదు, ప్రతి ఒక్కరు భాగస్వామ్యం వహించాల్సిన కర్తవ్యంగా ఉంది. సహకారం, సమన్వయం,మరియు సాంకేతిక పరిజ్ఞానం వలననే ఈ విపత్తులను సమర్థవంతంగా ఎదుర్కోవచ్చు.ఈ విధంగా వరద విపత్తులకు అడ్డుకట్ట వేయడం ద్వారా మన దేశాన్ని మరింత సురక్షితంగా,స్వేచ్ఛగా,అభివృద్ధి సాధించేలా చేసుకోవచ్చు,ఇంత పెద్ద ఎత్తున జరుగుతున్న మారణ హోమం పునరావృతం కాకుండా చూడాలి ఏ ప్రభుత్వమైనా.
- డా: చిట్యాల రవీందర్‌
7798891795
