దసరా నవరాత్రులకు హైదరాబాద్లో నగరంలో పటిష్టమైన భద్రత ఏర్పాటు చేశామని హైదరాబాద్ సిటీ పోలీసు కమిషనర్ సివి.ఆనంద్ తెలిపారు.
శనివారం హైదరాబాద్ సిటీ పోలీస్ తరుపున సీఏఆర్ హెడ్క్వార్టర్స్ పేట్లబుర్జ్లోని పోలీస్ గ్రౌండ్స్లో బతుకమ్మ సంబరాలను ఘనంగా నిర్వహించారు. ఈ సంబరాలకు సీపీ సీవీ ఆనంద్, సతీమణి లలిత ఆనంద్ ముఖ్యఅతిథిగా హాజరయ్యారు. సిటీ పోలీస్కు సంబంధించిన సుమారు 800 మంది మహిళా ఉద్యోగులు బతుకమ్మ సంబరాల్లో పాల్గొన్నారు.
వివిధ రకాల బతుకమ్మలను ఒక దగ్గరికి చేర్చి, బతుకమ్మ పాటలను పాడుతూ సంప్రదాయాన్ని చాటారు. ఈ సంధర్బంగా సీపీ సీవీ ఆనంద్ ఉద్యోగులందరికి బతుకమ్మ, దసరా నవరాత్రి శుభాకాంక్షలు తెలియజేశారు. ఈ కార్యక్రమంలో సీఏఆర్ హెడ్క్వార్టర్స్ డీసీపీ రక్షిత కృష్ణ మూర్తి , సౌత్ జోన్ డీసీపీ స్నేహ మెహర , సైబర్ క్రైమ్ అండ్ ఉమెన్స్ సేఫ్టీ డీసీపీ కవిత, ఇతర ఉన్నతాధికారులు పాల్గొన్నారు.
