- టీపీసీసీ చీఫ్ మహేష్ కుమార్ గౌడ్
లగచర్లలో పక్క ప్లాన్ ప్రకారమే కలెక్టర్ పై దాడి జరిగిందని టీపీసీసీ చీఫ్ మహేష్ కుమార్ గౌడ్ తెలిపారు. గురువారం అయిన మీడియాతో మాట్లాడారు. అధికారులపై జరిగిన దాడి హేయమైన చర్య అని, ఈ కేసులో బీఆర్ఎస్ వర్కింగ్ ప్రెసిడెంట్ కేటీఆర్ కు శిక్ష తప్పదని అన్నారు. అధికారం పోయిందనే అక్కసు కేటీఆర్ లో కనిపిస్తుందని, కలెక్టర్ పై జరిగిన దాడి ఘటనలో ఎవరు ఉన్న వెంటనే అరెస్ట్ చేసి నిందితులను శిక్షించాలని ప్రభుత్వానికి కోరారు. అభివృద్దిని బీఆర్ఎస్ అడ్డుకునే ప్రయత్నం చేస్తుందని మండిపడ్డారు. దాడికి సంబంధించి కేటీఆర్ ఫోన్ కాల్ సంభాషణలు ఉన్నాయని, ఈ విషయాన్ని పోలీసులు నిర్దారించారని తెలిపారు. అధికారులపై దాడి ఘటనలో మొదటి ముద్దాయి కేటీఆరే అని పేర్కొన్నారు.
