ఆరోగ్యం యొక్క శక్తిని విశ్వసించే వారికి ఎన్ ష్యూర్ హెల్తీ స్పైన్ ఒక మార్గదర్శిగా నిలుస్తుందని నేషనల్ బ్యాడ్మింటన్ కొచ్ పుల్లెల గోపీచంద్ తెలిపారు. భారతదేశపు మొట్టమొదటి ఇంటిగ్రేటెడ్ ప్రివెంటివ్ స్పైన్ అండ్ స్పోర్ట్స్ హెల్త్ సెంటర్ ఎన్ ష్యూర్ హెల్తీ స్పైన్ అధికారికంగా హైదరాబాద్‌లో ప్రారంభించబడింది. ప్రఖ్యాత బ్యాడ్మింటన్ ఛాంపియన్, బ్యాడ్మింటన్ అసోసియేషన్ ఆఫ్ ఇండియా చీఫ్ నేషనల్ కోచ్ పుల్లెల గోపీచంద్ చేతుల మీదుగా జరిగిన ప్రారంభోత్సవంతో భారత్ లో వెన్నెముక సంరక్షణను మార్చే దిశగా ఒక ముఖ్యమైన ముందడుగు వేసింది.ఈ సంధర్బంగా
పుల్లెల గోపీచంద్ మాట్లాడుతూ, అథ్లెట్‌గా, పనితీరులో ఆరోగ్యం వెన్నెముక పోషించే కీలక పాత్రను నేను అర్థం చేసుకున్నాను. హెల్తీ స్పైన్ అనేది కేవలం క్లినిక్ మాత్రమే కాదు-ఇది ఆరోగ్యకరమైన జీవనశైలి వైపు నడిచే ఉద్యమం అని తెలిపారు.
భారతదేశంలో క్రీడల ఆరోగ్యాన్ని పునర్నిర్వచించటానికి సిద్ధంగా ఉన్న పుల్లెల గోపీచంద్ బ్యాడ్మింటన్ అకాడమీ సహకారంతో ఎన్ ష్యూర్ హెల్తీ స్పైన్ విశేషమైన భాగస్వామ్యాన్ని కుదుర్చుకుంది. ఈ భాగస్వామ్యం ఎన్ ష్యూర్ దాని నివారణ వెన్నెముక సంరక్షణ సేవలను దేశవ్యాప్తంగా ఉన్న క్రీడాకారులు, క్రీడా నిపుణులకు విస్తరించేందుకు వీలు కల్పిస్తుంది,తద్వారా వారు తమ ఆటలో అగ్రస్థానంలో ఉండేలా చూస్తారు.
ఈ కార్యక్రమంలో ఎన్ ష్యూర్ హెల్తీ స్పైన్ చైర్మన్ డాక్టర్ కాసు ప్రసాద్ రెడ్డి, సహ వ్యవస్థాపకుడు డాక్టర్ సుకుమార్ సురా, సీఈఓ నరేష్ కుమార్ పగిడిమర్రి, ఇండియన్ ప్రీమియర్ లీగ్ గవర్నింగ్ కౌన్సిల్ సభ్యుడు వీ. చాముండేశ్వరనాథ్, హెచ్.వై.ఎస్.ఈ.ఏ.జనరల్ సెక్రటరీ రామకృష్ణ లింగిరెడ్డి, ఫిన్‌లాండ్‌లోని నార్డిక్ హెల్త్‌లో శిక్షణ, విద్యా విభాగాధిపతి జోహన్నా పెంటి ఇతర ప్రముఖులు పాల్గొన్నారు.
