దండకారణ్యంలో కాల్పుల మోత,30 మంది మావోయిస్టులు మృతి

మావోయిస్టులకు కోలుకోలేని దెబ్బ తగిలింది. ఛత్తీస్‎గఢ్ దండకారణ్యంలో మరోసారి తుపాకుల మోత మోగింది. శుక్రవారం మధ్యాహ్నం నారాయణ్‎పూర్ -దంతేవాడ సరిహద్దులోని అబుజ్‎మడ్ ఆటవీప్రాంతంలో మావోయిస్టులు సంచరిస్తున్నారన్న సమాచారంతో భద్రత బలగాలు కూంబింగ్ చేపట్టాయి. ఈ క్రమంలో భద్రత బలగాలను చూసిన మావోయిస్టులు ఒక్కసారిగా కాల్పులు జరిపారు. అప్రమత్తమైన బలగాలు ఎదురుకాల్పులు జరిపారు. ఈ ఎన్‎కౌంటర్ సాయింత్రం వరకు కొనసాగిందని దంతేవాడ ఎస్పీ తెలిపారు. అనంతరం 30 మంది మావోయిస్టుల మృతదేహాలతో పాటు ఏకే 47 రైఫిల్ , ఇతర ఆయుధాలను స్వాధీనం చేసుకున్నామని అధికారులు తెలిపారు.