భారతదేశంలో సోలార్ ఎనర్జీ ప్రాజెక్టును దక్కించుకునేందుకు గౌతమ్ అదానీ, సాగర్ ఆర్ అదానీ, వినీత్ ఎస్ జైన్ సహా ఏడుగురు $250 మిలియన్ల (రూ. 2,100 కోట్లు) లంచాన్ని అధికారులకు ఆఫర్ చేశారంటూ,అమెరికాలోని బ్రూక్లిన్‌లోని ఫెడరల్ కోర్టు అభియోగాలు మోపింది. పెట్టుబడిదార్లకు తప్పుడు సమాచారం ఇచ్చి నిధుల సమీకరణ ప్రయత్నాలు చేసినట్లు ఆరోపించింది. నిందితులు యుఎస్ పెట్టుబడిదారులకు తప్పుడు ప్రకటనలు చేశారని, ఫెడరల్ చట్టాలను ఉల్లంఘించారని అభియోగపత్రంలో ఆరోపించారు. పరిచయం అవసరం లేని పేరు గౌతమ్ అదానీ. పేరును బ్రాండ్ లా మార్చుకున్న బిజినెస్ మ్యాన్. ప్రపంచ కుబేరుల జాబితాలో ఎప్పుడూ ఉండే అదానీని వివాదాలు ఎప్పుడు వెంటాడుతూనే ఉన్నా కేంద్ర ప్రభుత్వం ఉదాసీనంగా వ్యవహరిస్తోంది. భారత్ లో భారీ సోలార్ ఎనర్జీ ప్రాజెక్ట్ దక్కించుకునేందుకు అదానీ మరో ఏడుగురితో కలిసి అధికారులకు లంచాలు ఆఫర్ చేసినట్లు అమెరికా ఎఫ్బీఐ చెబుతోంది. 20ఏళ్లలో 2 బిలియన్ డాలర్లు అంటే దాదాపు 16వేల 700 కోట్లు లాభం వచ్చే సౌరశక్తి సరఫరా కాంట్రాక్ట్ ల కోసం వాళ్ళు భారత ప్రభుత్వ అధికారులకు సుమారు రూ.265 మిలియన్ డాలర్లు అంటే 2వేల 29 కోట్లకు పైగా లంచాలు ఇవ్వజూపినట్లు అమెరికా ఎఫ్బీఐ అధికారులు గుర్తించారు. బ్యాంకులు, ఇన్వెస్టర్లకు తప్పుడు సమాచారం ఇచ్చి నిధులు సేకరించేందుకు ప్రయత్నించినట్లు ఆరోపణలు ఉన్నాయి. ఈ సోలార్ ప్రాజెక్ట్ లో అమెరికా ఇన్వెస్టర్ల నిధులు కూడా ఉండంతో..ఆ దేశం ఎఫ్ బీఐ ద్వారా దర్యాఫ్తు చేస్తోంది. అదానీ గ్రీన్ ఎనర్జీలోనూ అక్రమ మార్గాల త్వారా రుణాలు, బాండ్లను సేకరించినట్లుగా ఆరోపణలు వినిపిస్తున్నాయి. అరెస్ట్ వారెంట్ తో అదానీకి అమెరికా అదిరిపోయే షాక్ ఇచ్చింది. మరిప్పుడు ఏం జరగబోతోంది? ఆయన అరెస్ట్ అవుతారా? తన మీద తన కంపెనీ మీద కుట్ర చేశారని ఆరోపిస్తున్న అదానీ అమెరికా కోర్టుల్లో నెగ్గుకు రాగలరా? అమెరికా, భారత చట్టాలను అదానీ ఉల్లంఘించారనే విషయం ఇప్పుడు స్పష్టత వచ్చింది, వెంటనే ఆయన్ను అరెస్టు చేయాలని కేంద్ర ప్రభుత్వాన్ని ప్రతిపక్ష నేత రాహుల్ గాంధీ డిమాండ్ చేశారు.
ఆరోపణలు ఏమిటి?
బుధవారం నాటి అభియోగాలు విదేశీ అవినీతి పద్ధతుల చట్టం, యుఎస్ లంచాల నిరోధక చట్టం ఉల్లంఘనలకు సంబంధించినవి. ప్రత్యేకించి, యుఎస్ ప్రాసిక్యూటర్లు అదానీ, అతని మేనల్లుడు సాగర్ అదానీ, సహచరుడు వినీత్ ఎస్ జైన్‌తో సహా అదానీ గ్రీన్ ఎనర్జీకి చెందిన మరో ఇద్దరు ఎగ్జిక్యూటివ్‌లు, భారతీయ అధికారులకు ఫైనాన్స్, కాంట్రాక్టుల కోసం 250 మిలియన్ డాలర్ల కంటే ఎక్కువ లంచాలు ఇచ్చారని ఆరోపించారు. భారత ప్రభుత్వంతో సోలార్ పవర్ ప్లాంట్ ప్రాజెక్ట్‌కి సంబంధించినది భారీగా అవకతవకలు పాల్పడ్డారని ఆరోపించారు. సుమారు 20 ఏళ్లలో పన్ను కాంట్రాక్టులు $2 బిలియన్ల కంటే ఎక్కువ లాభాలను పొందుతాయని ప్రాసిక్యూటర్లు తెలిపారు. అదానీ గ్రీన్ ఎనర్జీ కూడా తప్పుదోవ పట్టించే ప్రకటనల ఆధారంగా అంతర్జాతీయ పెట్టుబడిదారుల నుండి $3 బిలియన్లకు పైగా రుణాలు మరియు బాండ్లను సేకరించిందని ప్రాసిక్యూటర్లు ఆరోపించారు. లంచాల గురించి చర్చించడానికి అదానీ 2020 మరియు 2024 మధ్య భారత ప్రభుత్వ అధికారులతో వ్యక్తిగతంగా సమావేశాలు నిర్వహించారని ప్రాసిక్యూటర్లు పేర్కొన్నారు. సాగర్ అదానీ, జైన్ లంచాల వివరాలను తమ ఫోన్‌లలో డాక్యుమెంట్ చేశారని, లంచం మొత్తాలను చూపించే పత్రాలను ఫోటో తీశారని ఆరోపించారు. ఐదుగురు అదానీ సహచరులు – సిరిల్ కాబనేస్, సౌరభ్ అగర్వాల్, దీపక్ మల్హోత్రా, రూపేష్ అగర్వాల్ మరియు రంజిత్ గుప్తా పై సంబంధిత నేరపూరిత కుట్రతో అభియోగాలు మోపారు. నిందితుల్లో కొందరు న్యాయాన్ని అడ్డుకునేందుకు కుట్ర పన్నారని న్యాయవాదులు చెబుతున్నారు. ఇమెయిల్‌లు ఇతర ఎలక్ట్రానిక్ మెటీరియల్‌లను తొలగించడానికి అంగీకరించడం ద్వారా సహచరులు సాక్ష్యాలను దాచిపెట్టారు. డిఓజె ప్రకారం, న్యూయార్క్‌లో యుఎస్ అధికారులతో సమావేశాల సందర్భంగా వారు పథకంలో తమ ప్రమేయాన్ని తప్పుగా ఖండించారు. ఈ సమావేశాలు ఎప్పుడు నిర్వహించబడ్డాయో డిఓజె వెల్లడించలేదు. నిందితులందరూ భారతీయ పౌరులు సింగపూర్‌లో నివసిస్తున్నారని అలాగే ఫ్రెంచ్-ఆస్ట్రేలియన్ పౌరుడు సిరిల్ కాబనేస్ మినహా భారతదేశంలో నివసిస్తున్నారు. మోడీ మద్దతుతో అదానీ లబ్ది పొందారని, గుజరాత్‌లో ప్రధానమంత్రిగా ఉన్న సమయంలో అదానీ చౌక ధరలకు భూమిని కొనుగోలు చేశారని పలువురు ఆరోపించారు. అదానీకి అనుకూలంగా ఉన్న అవినీతి ఆరోపణలలో భారత ప్రభుత్వ సంస్థలు భాగస్వామిగా ఉన్నాయని కూడా కొందరు ఆరోపిస్తున్నారు. అదానీ “ప్రధాని మోదీకి అత్యంత సన్నిహితుడు, అలాగే ప్రధానమంత్రి తరచుగా విదేశాలలో అదానీ వ్యాపారాలను ప్రోత్సహించేవారు.
నరేంద్ర మోడీ యొక్క ఎదుగుదల, అతని రాజకీయ జీవితాన్ని ట్రాక్ చేస్తే అలాగే అదానీ సమ్మేళనం యొక్క వ్యాపారాల పెరుగుదలను పరిశీలిస్తే, అదానీ మోడీ సామీప్యత మనం ఇంతకు ముందు చూసిన దానికంటే ఎక్కువ. వారు కవల సోదరులు లాంటి వారు. 2014లో, మోడీ ప్రధానిగా ఎన్నికల ప్రచారంలో ఉన్నప్పుడు అదానీకి చెందిన ప్రైవేట్ జెట్‌ను ఉపయోగించేవారు. ప్రస్తుతం, అదానీ గ్రూప్ బంగ్లాదేశ్‌లో అడ్డంకులను ఎదుర్కొంటోంది, అక్కడ అధికారులు మోడీ మిత్రపక్షం మాజీ అధ్యక్షురాలు షేక్ హసీనా హయాంలో అంగీకరించిన విద్యుత్ సరఫరా ఒప్పందాన్ని పరిశీలిస్తున్నారు.
హిండెన్‌బర్గ్ నివేదిక ఆన్‌లైన్‌లో విడుదలైన తర్వాత, అదానీ గ్రూప్ షేర్ల విలువ సుమారు $112 బిలియన్లకు పడిపోయింది. బిలియనీర్ అదానీ ఫోర్బ్స్‌లో ప్రపంచంలోని మూడవ అత్యంత సంపన్న వ్యక్తి నుండి ఇప్పుడు 25వ స్థానానికి చేరుకున్నారు. స్టేట్ బ్యాంక్ ఆఫ్ ఇండియా వంటి అదానీతో వ్యాపార సంబంధాలున్నాయని భావిస్తున్న ప్రభుత్వరంగ సంస్థలపై విచారణ జరిపించాలని ప్రతిపక్షాలు డిమాండ్ చేశాయి. మార్చి 2023లో, భారతదేశ అత్యున్నత న్యాయస్థానం హిండెన్‌బర్గ్ నివేదికపై స్వతంత్ర విచారణను కూడా ఏర్పాటు చేసింది. ఆగస్ట్ 2024లో, హిండెన్‌బర్గ్ ఒక కొత్త నివేదికను విడుదల చేసింది, సెబీ ఛైర్‌వుమన్ మధాబి పూరీ బుచ్, అదానీపై లోతైన విచారణను నిరోధించే ప్రయోజనాల వైరుధ్యాన్ని కలిగి ఉన్నారని ఆరోపించారు. బుచ్ ఆమె భర్త, అదానీ గ్రూప్ ఉపయోగించిన ఆఫ్‌షోర్ నిధులను కూడా కలిగి ఉన్నారని నివేదిక ఆరోపించింది. ఈ ఆరోపణలను సెబీ చైర్‌ తోసిపుచ్చింది. అమెరికాలో బుధవారం నాటి నేరారోపణ అనేది ఆరోపణలకు సంబంధించిన నోటిఫికేషన్ మాత్రమే, అంటే అదానీ అతని సహచరులు ఇప్పటికీ నిర్దోషులుగా భావించబడుతున్నారు. రాయిటర్స్ వార్తా సంస్థ ప్రకారం, ప్రాసిక్యూటర్లు ఇప్పుడు ఆ వారెంట్లను విదేశీ చట్ట అమలుకు అప్పగించాలని యోచిస్తున్నారు. విచారణ కోసం నిందితులందరినీ అప్పగించేందుకు అమెరికా ప్రయత్నించవచ్చు, అయితే భారత ప్రభుత్వం దానిని అనుమతిస్తుందో లేదో అస్పష్టంగా ఉంది. యుఎస్ భారతదేశం మధ్య ఉన్న నేరస్థుల అప్పగింత ఒప్పందం ప్రకారం, రెండు దేశాలలో ఒక సంవత్సరం కంటే ఎక్కువ జైలు శిక్ష విధించే అభియోగాల కోసం వారు అప్పగింతలు చేయవచ్చు.
యుఎస్ లో విచారణ ఎప్పుడు మొదలవుతుందా లేదా అదానీ హాజరు కావాల్సి ఉంటుందా అనేది అస్పష్టంగా ఉంది. అదానీకి అమెరికా అధ్యక్షుడిగా ఎన్నికైన డొనాల్డ్ ట్రంప్‌తో కూడా సన్నిహిత సంబంధాలు ఉన్నాయి. ట్రంప్ ప్రమేయం ఉండాలనుకుంటున్నారా లేదా అధ్యక్షుడిగా అతని అధికారాలు అతన్ని అనుమతిస్తాయా అనేది ఇంకా స్పష్టంగా తెలియలేదు. నవంబర్‌లో, అమెరికా ఎన్నికల తర్వాత, అదానీ X పోస్ట్‌లో ట్రంప్‌ని గెలిపించినందుకు అభినందించారు. యుఎస్ ఇంధన ప్రాజెక్టులలో పది బిలియన్ డాలర్ల పెట్టుబడి పెడతానని కూడా హామీ ఇచ్చారు. అదానీ గ్రూప్‌పై వరుస ఆరోపణలను అమెరికా ఏకరువుపెడుతోంది. అమెరికాకు చెందిన షార్ట్ సెల్లర్ హిండెన్‌బర్గ్ రీసెర్చ్, తమ కంపెనీల విలువను పెంచేందుకు అదానీ గ్రూప్ స్టాక్ ధరలను తారుమారు చేసి స్టాక్ మానిప్యులేషన్ పాల్పడింది. అదానీ గ్రూప్ రుణాలను దాచడానికి మరియు లాభాలను పెంచడానికి మోసపూరిత అకౌంటింగ్ పద్ధతులను ఉపయోగించిందని హిండెన్‌బర్గ్ కూడా ఆరోపించింది. ఇంధన కాంట్రాక్టులను పొందేందుకు భారత అధికారులకు $265 మిలియన్ల లంచాలు చెల్లించినట్లు US న్యాయవాదులు గౌతమ్ అదానీ మరియు ఇతరులపై అభియోగాలు మోపారు. జాయింట్ పార్లమెంటరీ కమిటీ వేసి నిగ్గు తేల్చాలి.
డా. ముచ్చుకోట. సురేష్ బాబు,
9989988912
