“ఇంద్ర” రీరిలీజ్ పై మెగాస్టార్ చిరంజీవి స్పందన

మెగాస్టార్ చిరంజీవి నటించిన చిత్రాల్లో ” ఇంద్ర ” చిత్రం ఒకటీ.ఈ చిత్రానికి బీ.గోపాల్ దర్శకత్వం వహించారు.అప్పట్లో భారీ వసూళ్లను అందుకున్న ఈ మూవీ బాక్సాఫీస్ వద్ద సరికొత్త రికార్డ్లను నెలకొల్పింది.చిరంజీవి పుట్టిన రోజు సంధర్బంగా ఆగస్టు 22న మరోసారి ” ఇంద్ర “చిత్రం అభిమానుల ముందుకు రానుంది.ఈ సినిమా రీరిలీజ్ కోసం అభిమానులు ఆసక్తిగా ఎదురుచూస్తున్నారు.

ఈ సంధర్బంగా చిరంజీవి ఓ వీడియొను రిలీజ్ చేశారు. ” ఇంద్రసేన రెడ్డి అంటుంటే ఒళ్లు గగుర్లు పొడుస్తుంది.రోమాలు నిక్కబొడుచుకుంటాయి.ఆ సినిమాకి ఉన్న పవర్ అలాంటిది..ఇంద్ర అంత పెద్ద సక్సెస్ అవ్వడానికి ప్రధాన కారణం సినిమా కథ..అలాగే ఆ సినిమా చిత్రం కోసం పని చేసిన వారంతా మనసు పెట్టి పని చేశారు..అందుకే ఈ సినిమాకి సంబంధించి ప్రతి విషయాన్ని అందరూ గుర్తుపెట్టుకుంటారు.ఆ చిత్రం గురించి మాట్లాడుకుంటారు.ఏ సీన్ నుంచి మొదలపెట్టిన చివరి వరకు చూస్తాం..అదే ఆ కథ గొప్పతనం..22 సంవత్సరాల తర్వాత ఈ చిత్రం మళ్ళీ రీరిలీజ్ అవ్వడం ఎంతో సంతోషంగా ఉంది.. 2002 జులై 22 ఇంద్ర రిలీజ్ అయింది..అప్పుడు ఎలాంటి భావోద్వేగానికి గురయ్యానో ఇప్పుడు కూడా అలాగే ఉంది అందరూ ఎంజాయ్ చేయండి” అని అన్నారు.