బేగంపేట్ విమానాశ్రయానికి బాంబు బెదిరింపు కాల్

బేగంపెట్ విమానశ్రయంలో బాంబు స్క్వాడ్ సిబ్బంది,పోలీసులు తనిఖీలు చేపట్టారు.విమానశ్రయంలో బాంబు పెట్టినట్టు పోలీసులకు గుర్తుతెలియని వ్యక్తులు మెయిల్ చేశారు.వెంటనే రంగంలోకి దిగిన పోలీసులు బాంబు స్క్వాడ్,ఎయిర్ పోర్ట్ అధికారులకు సమాచారం అందించారు.బేగంపెట్ విమానశ్రయానికి చేరుకున్న పోలీసులు,బాంబు స్క్వాడ్ సిబ్బంది తనిఖీలు చేపట్టారు.ప్రస్తుతం విమానాశ్రయంలో తనిఖీలు కొనసాగుతున్నాయి.గతంలో కూడా అనేకసార్లు పోలీసులకు మెయిల్స్,కాల్స్ ద్వారా బాంబు పెట్టినట్టు బెదిరింపులు వచ్చాయి.గత కొన్ని రోజుల క్రితం బేగంపేట్ లో ఉన్న ప్రజాభవన్ లో కూడా బాంబు పెట్టినట్టు ఓ ఆగంతకుడు పోలీసులకు కాల్ చేసి సమాచారం అందించాడు.రంగంలోకి దిగిన బాంబు స్క్వాడ్,పోలీసులు తనిఖీలు చేపట్టి ఫేక్ కాల్ గా నిర్ధారించారు.తాజాగా బేగంపేట్ ఎయిర్పోర్టు కూడా బెదిరింపు కాల్ రావడంతో ఆగంతకులు ఎవరైనా కాల్ చేశారా అనే కోణంలో పోలీసులు దర్యాప్తు చేస్తున్నారు.