ఈడీ విచారణకి హాజరైన బీఆర్ఎస్ ఎమ్మెల్యే మహిపాల్ రెడ్డి

బీఆర్ఎస్ ఎమ్మెల్యే మహిపాల్ రెడ్డి మంగళవారం ఈడీ విచారణకి హాజరయ్యారు.గత ప్రభుత్వ హయాంలో మైనింగ్ తవ్వకాలు చేపట్టి,ట్యాక్స్ ఎగొట్టారనే ఆరోపణలతో ఈడీ సోదాలు నిర్వహహించింది.మహిపాల్ రెడ్డి సోదరుడైన మధుసూదన్ రెడ్డి నివాసంలో రెండురోజుల పాటు ఈడీ అధికారులు సోదాలు చేపట్టారు.ట్యాక్స్ ఎగొట్టడంతో సుమారుగా రూ.300 కోట్ల వరకు ప్రభుత్వానికి నష్టం కలిగిందని ఈడీ ఆరోపించింది.సంతోష్ సాండ్ అండ్ గ్రానైట్ పేరుతొ మహిపాల్ రెడ్డి వ్యాపారం నిర్వహించారని తెలిపింది.మైనింగ్ లాభాలతో రియల్ ఎస్టేట్ వ్యాపారం చేపట్టారని ఈడీ తెలిపింది.దాంట్లో భాగంగానే సోదాలు చేసినట్టు అధికారులు పేర్కొన్నారు.