బీఆర్ఎస్ లో అయోమయం,పార్టీకి గుడ్ బై చెప్పిన మరో ఎమ్మెల్యే

తెలంగాణలో అసెంబ్లీ ఎన్నికల తర్వాత బీఆర్ఎస్ ఎమ్మెల్యేలు ఒక్కొక్కరిగా ఆ పార్టీకి గుడ్ బై చెప్తున్నారు.తాజాగా శేరిలింగంపల్లి ఎమ్మెల్యే అరికపూడి గాంధీ కాంగ్రెస్ కండువా కప్పుకున్నారు.శనివారం ఉదయం ముఖ్యమంత్రి రేవంత్ రెడ్డి సమక్షంలో అయిన కాంగ్రెస్ గూటికి చేరారు.అరికపూడి గాంధీకి రేవంత్ రెడ్డి కండువా కప్పి పార్టీలోకి ఆహ్వానించారు.అరికపూడి గాంధీతో పాటు ముగ్గురు కార్పొరేటర్లు కూడా హస్తం గూటికి చేరారు.మరోవైపు బీఆర్ఎస్ అధినేత కేసీఆర్ పార్టీ నాయకులను,ఎమ్మెల్యేలను కాపాడుకునే పనిలో ఉన్నారు.కానీ కేసీఆర్ చేస్తున్న కృషి ఫలించడం లేదనే ఊహాగానాలు వినిపిస్తున్నాయి.త్వరలో మరికొంత మంది ఎమ్మెల్యేలు ఆ పార్టీకి గుడ్ బై చెప్పే అవకాశాలు ఉన్నాయి.