తెలంగాణలో గ్రూప్ 01 పరీక్షలకు లైన్ క్లియర్ అయింది. గ్రూప్ 01 పరీక్షలపై దాఖలైన పిటిషన్లను హైకోర్టు కొట్టివేసింది. షెడ్యూల్ ప్రకారం ఈ నెల 21 నుండి గ్రూప్ 01 మెయిన్స్ పరీక్షలు నిర్వహించాలని తీర్పు ఇచ్చింది. 08 మంది పిటీషనర్ల కోసం లక్షల మంది అభ్యర్థులు ఇబ్బందులో పడటం ఏమిటని ప్రశ్నించింది.
ఈ నెల 21 నుండి గ్రూప్ 01 మెయిన్స్ పరీక్షలు ప్రారంభంకానున్నాయి. 31,383 మంది అభ్యర్థులు గ్రూప్ 01 పరీక్షకు హాజరవుతున్నారు. గ్రూప్ 01 మెయిన్స్ పరీక్షల కోసం హైదరాబాద్ లో 08, రంగారెడ్డి జిల్లాలో 11, మేడ్చల్ మల్కాజ్గిరి జిల్లాలో 27 పరీక్ష కేంద్రాలను ఏర్పాటు చేశామని అధికారులు తెలిపారు. మధ్యాహ్నం 01:30 తర్వాత అభ్యర్థులను పరీక్ష కేంద్రంలోకి అనుమతించేది లేదని, ప్రతి పరీక్ష కేంద్రాల్లో సీసీటీవీ కెమెరాలను ఏర్పాటు చేశామని వెల్లడించారు.
