నేడు తెలంగాణ కేబినెట్ సమావేశం జరగనుంది. సాయింత్రం 04 గంటలకు సచివాలయంలో సీఎం రేవంత్ రెడ్డి అధ్యక్షతన జరగనున్న ఈ సమావేశంలో పలు అంశాలపై చర్చించే అవకాశం ఉంది. కొత్త రెవెన్యూ చట్టం మూసాయిదాకు ఆమోదం వేయడంతో పాటు గ్రామాల్లో రెవెన్యూ అధికారుల నియామకం, హైడ్రాకు మరిన్ని అధికారాలు కట్టబెట్టడం, ఇందిరమ్మ కమిటీలు, కులగణన ,ఎస్సీ వర్గీకరణ, ఉద్యోగులకు పెండింగ్ డీఏలతో పాటు తదితర అంశాలపై చర్చించే అవకాశం ఉంది.
మరోవైపు నవంబర్ మొదటి వారం లేదా రెండో వారంలో అసెంబ్లీ ప్రత్యేక సమావేశాలు నిర్వహించేందుకు తెలంగాణ ప్రభుత్వం కసరత్తు చేస్తుంది. ఈ సమావేశాల తేదీలపైన కూడా చర్చించే అవకాశం ఉంది.
