గ్రూప్ 03 పరీక్షల హాల్ టికెట్లను విడుదల చేసిన టీజీపీఎస్సీ

తెలంగాణ గ్రూప్ 03 పరీక్షలకు సంబంధించిన హాల్ టికెట్లను టీజీపీఎస్సీ విడుదల చేసింది. అభ్యర్థులు తమ హాల్ టికెట్లను టీజీపీఎస్సీ అధికార వెబ్‎సైట్ నుండి డౌన్‎లోడ్ చేసుకోవచ్చు. ఈ నెల 17,18 తేదీల్లో పరీక్షలు జరగనున్నాయి. పేపర్ 01 17న ఉదయం 10 నుండి మధ్యాహ్నం 12.30 గంటల వరకు, ఇదే రోజు మధ్యాహ్నం 03 నుండి సాయంత్రం 5 :30 గంటల వరకు పేపర్ 02 పరీక్ష నిర్వహిస్తారు.మరుసటి రోజు అనగా 18న ఉదయం 10 నుండి మధ్యాహ్నం 12.30 గంటల వరకు పేపర్ 03 పరీక్ష ఉండనుంది. గ్రూప్ 03 పరీక్షల కోసం 5.36 లక్షల మందికిపైగా అభ్యర్థులు దరఖాస్తు చేసుకున్నారు. నియామక ప్రక్రియ ముగిసేవరకు హాల్‎టికెట్లను భద్రంగా పెట్టుకోవాలని టీజీపీఎస్సీ సూచించింది.