మహారాష్ట్ర తదుపరి ముఖ్యమంత్రి ఎవరనేదానిపై ఉత్కంఠ కొనసాగుతుంది. ఈ నేపథ్యంలో నేడు జరగాల్సిన మహాయుతి కీలక సమావేశం రద్దైంది. అపద్ధర్మ ముఖ్యమంత్రిగా ఉన్న ఏక్నాథ్ షిండే అనూహ్యాంగా తన గ్రామానికి వెళ్ళిపోవడంతో ఈ సమావేశం రద్దైంది. ప్రభుత్వ ఏర్పాటు చర్చలపై ఏక్నాథ్ షిండే అసంతృప్తిగా ఉన్నట్లు సమాచారం.
గురువారం సాయింత్రం అమిత్షాతో దేవేంద్ర ఫడ్నవీస్, అజిత్ పవార్,ఏక్నాథ్ షిండే భేటీ అయ్యారు. భేటీ అనంతరం షిండే మాట్లాడుతూ, ప్రభుత్వ ఏర్పాటుపై సానుకూల చర్చలు జరిగాయని తెలిపారు. సీఎం పదవిపై ఒకట్రెండు రోజుల్లో నిర్ణయం తీసుకుంటామని వెల్లడించారు.ముంబయిలో మరోసారి చర్చించిన తర్వాత దీనిపై నిర్ణయం ప్రకటిస్తామని ఏక్నాథ్ షిండే తెలిపారు.
