- వరంగల్ టెక్స్ టైల్ పార్క్ పనులను పరిశీలించిన సీఎం
- సీఎం వెంట మంత్రులు కొండా సురేఖ,సీతక్క
- టెక్స్టైల్ పార్క్ ప్రాంతాన్ని ప్రత్యేక జోన్‌గా అభివృద్ధి చేస్తాం :రేవంత్ రెడ్డి
వరంగల్ టెక్స్ టైల్ పార్క్ కోసం భూములు ఇచ్చినవారికి ఇందిరమ్మ ఇళ్లులు అందేలా కృషిచేస్తామని అన్నారు ముఖ్యమంత్రి రేవంత్ రెడ్డి.ఢిల్లీ పర్యటన ముగించుకొని శనివారం వరంగల్ లో పర్యటించారు. పర్యటనలో భాగంగా వరంగల్ టెక్స్టైల్ పార్క్ పనులను పరిశీలించారు.అనంతరం వనమహోత్సవంలో భాగంగా మొక్కలు నాటారు.వరంగల్ చేరుకున్న ముఖ్యమంత్రి రేవంత్ రెడ్డికి మంత్రులు కొండ సురేఖా,సీతక్క ఘన స్వాగతం పలికారు.ఈ సందర్బంగా రేవంత్ రెడ్డి మాట్లాడుతూ వరంగల్ లో ఉన్న టెక్స్టైల్ పార్క్ ప్రాంతాన్ని ప్రత్యేక జోన్‌గా అభివృద్ధి చేస్తామని తెలిపారు.హైదరాబాద్ తో సమానంగా వరంగల్ ని కూడా అభివృద్ధి చేస్తామని తెలిపారు.
